काेल्पुटार – दुइपिपल – देउराली – झ्याङलि पाेखरि सडक सिलान्यास

बेलकोटगढी नगरपालिका प्रमुख जगत बहादुर लामाले नगरपालिका समृद्धिको बाटोमा अगाडि बढेको बताउनुभएको छ ।
बिहिवार काेल्पुटार – दुइपिपल – देउराली – झ्याङलि पाेखरि सडककाे सिलान्यास कार्यक्रमलाई सम्बोधन गर्दै बेलकाेटगढी नगर प्रमुख जगत बहादुर लामाले उक्त कुरा बताउनु भएको हो ।

स्थानीय तह निर्वाचनमा आफ्नो चुनावी प्रतिबद्धता अनुसारनै काम गरिरहेको बताउनु हुँदै नगर प्रमुख लामाले समृद्ध नगर बनाउन आफू लागि परेको बताउनु भयो ।

बेलकोटगढी नगरपालिका वडा नम्बर ५, ६, ४, ३ लगायतका नागरिकले प्रत्यक्ष लाभ लिन सक्ने बताउनु भयो ।

सडक योजनालाई अगाडी बढाउन संघीय साम्सद बिमला सुबेदी, तत्कालीन बागमती प्रदेश मुख्यमन्त्री शालिकराम जमकट्टेल, प्रदेश सांसद रामप्रसाद ढुंगाना, माओवादी नेता नारायण नेपाल लगायतका नेताहरूले आफ्नो अभियान लाई साथ दिएको बताउनु भयो ।

सडक सिलान्यास कार्यक्रममा बेलकोटगढी नगर उपप्रमुख शिव प्रसाद दाहाल, ५ वडा अध्यक्ष मदन भुजेल, वडा नम्बर ४ का अध्यक्ष चन्द्र बहादुर लामा लगायत स्थानीयहरुको उपस्थिति रहेको थियो ।