छहरेमा बुद्ध भगवानको मुर्ती अनावरण

नुवाकोटको शिवपुरी, लिखु तथा पन्चकन्या गाउँपालिकाको संगमस्थल छहरे दोभानमा निर्माण गरिएको बुद्धमुर्तिको आज शनिवार अनावरण गरिएको छ ।

एतिहासिक, धार्मिक, सांस्कृतीक, कलात्मक, पर्यटकिय, दर्शनिय तथा रमणिय सन्तानेश्वर मन्दिर परिसरमा निर्मित बुद्ध प्रतिमाको संघिय सांसद हितवहादुर तामाङ, प्रदेश ३ का उपसभामुख राधिका तामाङ, प्रदेश सांसद बद्री मैनाली र लिखु गाउँपालिकाका अध्यक्ष धुर्व श्रेष्ठले संयुक्त रुपमा अनावरण गर्नुभएको हो ।

बुद्ध मुर्तिको अनावरण गर्दै प्रमुख अतिथि तामाङले बुद्धको उपदेशलाई विश्वमानै फैलाउनका लागि अभियान चलाउनुपर्ने आवस्यकता रहेको वताउनुभयो । बिशेष अतिथी उपसभामुख तामाङ र सांसद मैनालीले अव देशमा समृद्धिका लागि अगाडी बढ्नुपर्ने भन्दै देश अब बुद्धले मार्गदर्शन गर्नु भएको शान्तिको वाटो हिंड्नुपर्ने वताउनुभयो ।

गाउँपालिका अध्यक्ष धुर्व श्रेष्ठले छहरे दोभानमा बुद्ध मुर्ति राख्नका लागि सहयोग गर्ने तथा निर्माणमा सक्रिय स्थानिय बासिन्दा लगायत सबैलाई धन्यवाद ब्यक्त गर्दै गाउँपालिकाको तर्फवाट थप ५ लाख सहयोग गर्ने प्रतिवद्धता जनाउनुभएको छ।

यस क्षेत्रको दिर्घकालिन बिकासको निमिक्त मन्दिर क्षेत्र, घाट क्षेत्र, कुन्ड, ढुङ्गेधारा, धर्मशाला, कृयापुत्री भवन, सत्तल, मनोरम उधान लगायतका क्षेत्रमा बिभाजन गरी दर्शनिय र रमणिय क्षेत्रको रुपमा ब्यबस्थापन गर्ने गुरुयोजना रहेको ‘श्रीहरी समन्वयात्मक सत्सङ्ग प्रतिष्ठान नेपाल’ का महासचिव मदन कुमार शर्माले जानकारी दिनुभएको छ ।