दोश्रो लर्केप कप 9A साइड फुटबल प्रतियोगितामा सेलगङ युवा क्लवको बिजयी सुरुवात

तारकेश्वरमा आइतबारदेखि सुरु भएको दोश्रो लर्केपकप 9A साइड फुटबल प्रतियोगितामा सेलगङ युवा क्लवले बिजयी सुरुवात गरेको छ ।

प्रतियोगिताको उद्घाटन खेलमा सेलगङ युवा क्लब तारकेश्वर द्वारा पर्मचेत युवा क्लब म्यागङ लाई १-० गोल अन्तरले पराजित गर्दै सेलगङ युवा क्लबले प्रतियोगितामा बिजयी सुरुवात गरेको हो ।

युवाहरुमा एकता, बिकाश सुशासन गतिशीलता आजको आबस्यकता भन्ने नाराका साथ सुरुभएको प्रतियोगिता कार्तिक ४ गते सम्म सन्चालन हुनेछ । प्रतियोगितामा कुल २१ टिमले सहभागिता जनाएको आयोजक लर्केप युनाइटेड युवा क्लबका सचिब बिष्णु कुमार तामाङले बताएका छन् ।