शिक्षक सरुवामा तारकेश्वर कांग्रेसको आपत्ति“गैर कानुनी सरुवा रोकिनु पर्छ“सभापति अर्याल

तारकेश्वर गाउँपालिकाद्वारा हालै गरिएको शिक्षक सरुवाको निर्णयप्रती नेपाली कांग्रेस तारकेश्वरले असहमती सार्वजनिक गरेको छ ।

सोमबार सभापति केशब अर्यालले सामाजिक संजाल फेसबुक मार्फत तारकेश्वर गाउँपालिकाले हालै गरेको सरुवाप्रती असन्तुष्टि जनाउदै लेख्नु भएको छ “शिक्षक सरुवा मात्रै शिक्षा बिकाशको विकल्प होइन“ । उहाँले अन्यायमा परेका शिक्षकहरुको साथमा नेपाली कांग्रेस रहने बताउदै धर्य गर्न आग्रह गर्नु भएको छ ।

सभापति अर्यालले २ सय ६० शिक्षक सरुवा गर्नु पालिका अध्यक्षको दम्भ मात्रै रहेको बताउनु भयो । सभापती अर्यालले यो सरुवाले बिद्यालय,बिद्यार्थी, अभिभावक, शिक्षक सबैलाई हानी गर्ने बताउदै यो निर्णय नसच्चिय कानुनि पाटोबाट न्याय खोजिने बताउनु भयो ।

शिक्षा समितीको निर्णय एउटा र कार्यान्वयनमा अर्कै गरिएको भन्दै उहाँले असन्तुष्टि जनाउनु भएको छ । गाउँपालिका शिक्षा समितिको निर्णयमा आधारभुत तह(१–५) को माथिल्लो तह योग्यता भएका शिक्षकको हकमा मात्रै समायोजन गर्ने भनिएकोमा भर्खर नियुक्ति लिएर पदस्थापनाको ६ महिना भित्रै सरुवा गरेकोमा आपत्ती जनाउनु भएको छ । शिक्षा नियमावली बिपरितको काम रोकिनु पर्ने सभापति अर्यालले बताउनु भयो ।