चढाएको बोको,

राम चन्द्र तिम्सिना (आवाज),

कस्ले किन कुन स्वार्थमा बनायो नियम ?

कस्ले किन कुन स्वार्थमा चलायो चलन ?

दोषी ब्यवस्था होकि बिधान ?

मानवलाई देवता र जन्तुलाई भगवान !!

रिति थियो कि कु-रिति ?

बडो फसाद छ भक्तालुलाई ,

 नियम नमानौं वीर पुर्खा रिसाउने,

 नियम मानौं भावी पुस्ता रिसाउने !!

चुट्न पिट्न नहुने, मार्न काट्न पनि नहुने बोको ,

गाली गलौज र बिरोध गर्न नहुने मन्त्री ,

देविको प्रसाद र भगवानको आशीर्वाद …….

बडो फसाद भक्तालुलाई ,

स्यालले पनि नखाने, बाघले पनि नलाने !!

नामै काफी छ मान्यवर , `

`मन्दिरको बोको´´…र, “

बालुवाटारको मन्त्री´´…

 उट्पट्याङ्गको हद पार गर्छ,

खाडिमा अलपत्र नेपाली छोड्छ ,

निगमलाई घाटा, जनतालाई पीडा बाढ्छ !!

बडो फसाद छ भक्तालुलाई ,

बेईमान गर्न जान्दैन भनेको नि मान्दैन !!

देवि रिसाए एउटा बिध्न ,

बोको रिसाए अर्को बिध्न ,

 मन्त्री रिसाए झन अर्को बिध्न ,

बडो फसाद भक्तालुलाई ,

छोरी चेली भन्दैन, नियम कानुन मान्दैन !!

आफै ठुस्स गनाएर बस्छ

, बाहिर सुगन्ध सुंघ्दै हिड्छ ,

मन्दिरको खादैन, बिदेश डुल्न छोड्दैन ,

बडो फसाद छ भक्तालुलाई ,

मारौं धर्म नासिने ,नमारौं नियम मासिने !!

डर लाग्छ कतै ,

 गति छाडा बोको र  गति छाडा मन्त्रीले गर्दा,

आस्था प्रती बितृस्णा जाग्ने पो होकि,

मेरो भन्नू यत्ती छ मान्यवर …..

 चढाएको बोको भित्र भगवान ,

बनाएको मन्त्री भित्र मानवता सवार होस !!

 सारा नेपालीको जयजय र कल्याण होस !!