आवाजको सन्देश

रामचन्द्र तिम्सिना (आवाज)

उजाडिएको बस्तिमा खाँबोले के संदेश देला !

रित्तो घरमा घोप्टिएको भाँडोले के संदेश देला !!

भोको पेटलाई अन्न छैन घरमा !

भारी बोकेका बाल मजदुरले के संदेश देला !!

चाडपर्वमा रम्नेलाई त खुसीको सिमा नहोला !

देवी सम्झि पर्सिएको पाठोले के संदेश देला !!

पर्देशमा दु:ख छैन आमा भन्थ्यो छोरोले !

हत्केलामा उठेको ठेलाले के संदेश देला !!

सरकारले त सदनबाट गरीबी उन्मुलन गर्छ !

सुख्खा रोटि नभेटेको भोकोले के सन्देश देला !!

कोहि भोको रहदैन भन्थे, प्रधानमन्त्रीले !

बच्चा रुँदा रित्तिएको, कसौंडिले के संदेश देला !!

नि:शुल्क उपचारको ब्यवस्था गर्दैन सरकारले !

रोग दिवसमा बालिएको दियोले के संदेश देला !!