९ माघ २०७८, आईतबार
Logo
final gp koirala advert

नाङ्गो नाच, नाच्ने काम नगर

एकलाल श्रेष्ठ , मनमैजु

भाले बासेर पनि छितीजमा
सूर्यको किरणहरु पर्खेका
सीतका थोपाहरु
टल्कन नपाउँदै
बगैचामा रातो कोपिलाहरु
फुल्न,मुस्कुराउन नपाउँदै

Shivapuri rural municipality awareness message jalapanews

न्यानो प्रकाशको आशमा
चराहरुको चीरबिर
तरु लतिकाहरुमा
स्वतन्त्र गीत गुन्जाउन नपाउँदै
आफ्नो वन पाखालाई अगौजी
आलिङ्गन गरेर
मीठो रसस्वादनको पर्खाईमा बसेका
मन्जरीहरु

मिठो हावामा लहराउन नपाउँदै
मेरो आकाशमा
मेरो धर्तीमा
मेरो कलिलो अंकुरण लाई
मेरो आशालाई
मेरो भरोसालाई
लल्लीपप् देखायर
प्रलोभनमा फसायर
अस्मिता लुट्न खोज्ने अपराधीहरु

दाह्रा नङ्ग्रा फिजायर
निर्लज्ज आमाको
छातिमा, टेक्नखोज्ने बलत्कारीहरु
सन्सारले तिमीलाई चिनिसकेको छ
भो धेरै भुक्ने काम नगर….
तिमी त दास हौ अरुको

मेरो अपराजित देशमा
कति निर्लज्ज हुन्छौं तिमी?
आगो संग खेल्ने काम नगर…
दुनियाँ धिकार्दैछ तिमीलाई
भो अझै नाङ्गो नाच, नाच्ने काम नगर ..

प्रतिक्रिया दिनुहोस्