नुवाकोट पत्रकार महासंघको पहलमा ९५ जना पत्रकारहरुको कोरोना बीमा

आइतबार नुवाकोट पत्रकार माहासंघले कोरोना भाइरसको जोखिम पुर्ण अबस्थामा काम गरिरहेका ९५ जना पत्रकारहरुको सामुहिक बिमा जारी गरेको छ ।
कोभिड–१९ (कोरोना भाइरस)को बिश्वब्यापी माहामारी नेपालमा पनि बढ्दै गइरहेको र पत्रकारहरुमा पनि संक्रमण देखिन थाले पछि नेपाल पत्रकार माहासंघ नुवाकोटका सदस्यहरु तथा जिल्लामा कृयाशिल पत्रकारहरुको बिमा जारी गरेको हो ।

बिमित पत्रकाहरुको एक एक लाखको बिमा भएको छ । नेपालमा कोरोना संक्रमणको दर बढ्दै गइरहेकाले पत्रकारहरुमा केही राहात महशुस गराउन बिमा गरिएको नेपाल पत्रकार माहासंघ नुवाकोटका अध्यक्ष कपिलदेब खनालले बताउनु भयो ।

कोरोना बीमाका लागि विदुर नगरपालिका र रुडेक नेपाल नामक गैर सरकारी संस्थाले आर्थिक सहयोग गरेको छ । प्रति व्यक्ति छ सय रुपैयाँका दरले विदुर नगरपालिकाले ७० जना पत्रकारको र रुडेक नेपालले २५ जना पत्रकारको शुल्क तिरेको छ । उक्त बीमा अनुसार कुनै पत्रकार कोरोना भाइरसबाट संक्रमित भएमा बीमा कम्पनी सिद्धार्थ इन्स्योरेन्सले एक लाख रुपैयाँ सम्बन्धित पत्रकारलाई उपलब्ध गराउने छ ।