बेलकोटगढी नगरपालिकाको केन्द्रमा टेलिकमले टावर निर्माण गर्ने, नगरप्रमुखको आग्रह टेलिकमद्वारा स्वीकार

नेपाल टेलिकमले बेलकोटगढी नगरपालिकाको बाघाखोरमा आगामी असोज अगाडी नै टेलिकमको गुणस्तरीय सेवा प्रबाह गर्न टावर राख्ने भएको छ ।
बेलकोटगढी नगरपालिका प्रमुख जगत बहादुर तामाङ निर्वाचित भए पश्चात गुणस्तरीय सेवा प्रबाहको निम्ति निरन्तर लागि परेका थिए । मंगलबार नेपाल टेलिकम नुवाकोटलाई पत्र लेख्दै नगरपालिकाको केन्द्र बागखोरमा टावर राख्न अनुरोध गर्नु भएको थियो ।
उहाँको पत्रलाई संवोधन गर्दै टेलिकम नुवाकोट प्रमुख प्रकाश महर्जनले आगामी दशै अगाडी टावर राख्न सहमति जनाएको नगर प्रमुख लामाको सचिवालयले जनाएको छ ।