स्थानिय नागरिकहरुले हस्तान्तण गरेको जग्गामा तारकेश्वर गाउपालीकाको प्रशासनिक भवन बन्ने

तारकेश्वर गाउपालीकाको प्रशासनिक भवन निर्माणको लागी स्थानियहरुले गाउपालीकालाई निशुल्क जग्गा उपलब्ध गराएका छन् । स्थानिय नागरिकहरुले आफुहरुले भोगचलन गरि रहेको जमिन पालिकालाई प्रशासनिक भवनको लागी सम्पुर्ण कागजाती प्रकृया पुरा गरी हस्तान्तरण गरेका हुन ।
प्रशासनिक भवन निमार्णको लागी निशुल्क जग्गा दान गर्नेहरुमा तारकेश्वर गाउपालीका वडा नं १ स्थीत रयलछाप निवासी नमराज लामीछाने, धकानन्द भण्डारी, र राजेन्द्र घिमिरे रहनु भएको छ । नमराज लामीछानेले सडकमा रहेको आफ्नो एक रोपनी जमिन पालीकालाई हरुतान्तरण गर्नु भएको हो । लामीछानेले करिब ३२ लाख बराबरको जमिन हस्तान्तरण गर्नु भएको छ । त्यस्तै स्थानिय धकानन्द भण्डारीले करिब १६ लाख बराबरको आठ आना र स्थानिय राजेन्द्र घिमिरेले करिब ६ लाख बराबरको तीन आना २ पैसा जमिन प्रशासनिक भवनको लागी हस्तान्तरण गर्नु भएको तारकेश्वर गाउपालीकाले जानकारी दिएको छ ।
लामो समय देखी जग्गा अभावले प्रशासनिक भवन निमार्णमा बाधा पुगिरहेको समयमा स्थानियले जग्गा उपलब्ध गराए सँगै अब भवन निर्माणको बाटो खुल्ला भएको हो ।