सोमवारदेखि ककनी गाउँपालिले कोरोना जोखिम न्युनिकरणको लागी पालीका शिल गर्ने

कोरोना भाइरसको माहामारी बढेपछि सोमवारदेखि ककनी गाउँपालिले जोखिम न्युनिकरणको लागी पालीका शिल गर्ने भएको छ ।
पालीका सोमबार देखी आगामी जेठ १२ गते सम्म शिल हुने छ ।
पालीकाका अध्यक्ष मान बहादुर लामाले लकडाउनको समयमा पनि पालीका आउनेहरु नरोकिएकाले गाउपालीका प्रबेश गर्नेहरुलाई रोक्न कै लागी यस्तो निर्णय गरेको बताउनु भयो । अध्यक्ष लामाले पालीकामा १२ गते सम्म एम्बुलेन्स मात्र संचालन गर्न दिने बताउनु भयो । अध्यक्ष लामाका अनुसार कृषकहरुको लागी आबश्यक पर्ने रासायनीक मलको ब्याबस्था गरि सकेको छ । भने आइतबार आफुहरुलाई आबश्यक पर्ने सामान ब्याबस्था गरेर पालीकाको यो निर्णयलाई सम्मान गर्न समेत पालीका बासीहरुलाई अनुरोध गर्नु भएको छ ।

गाउपालीकाका उपाध्यक्ष सिता खतिवडा लामाका अनुसार सिसडोलमा फोहोर ब्याबस्थापन गर्ने ३१ जनामा आरडिटी परिक्षणमा कोरोना पोजेटिभ देखिएको छ । काठमाडौ बाट पालीकामा सजिलै आवतजावत गर्न सकिने हुदा उच्च जोखिम रहेकाले पालीका शिल गर्न लागिएको उपाध्यक्ष खतिवडा लामाले बताउनु भयो । उपाध्यक्ष खतिवडाले पालीका शिल गर्दा जनतालाई पर्न जाने असुबिधामा पालीकाले सहजिकरण गर्ने समेत बताउनु भयो ।

पालिका सिल गरिएको समयमा कुनैपनि व्यक्ति वा सवारी साधन पालीक प्रबेश गरेका कानुनी कारबाही गरिने समेत पालीकाले जनाएको छ ।