कोरोना भाइरस बिरुद्ध सचेतना जगाउदै नुवाकोट जेसिस

बिश्वब्यापी माहामारीको रुपमा फैलदै गएको कोरोना रोकथाममा स्वास्थ्य संस्था, निजी तथा बिभिन्न सामाजिक संस्थाहरुले सक्रियता देखाउदै आइरहेका छन् ।

बिश्वब्यापी रुपमा तिब्र फैलदै गएको कोरोना नियन्त्रणको लागी नुवाकोटमा पनि बिभिन्न गतिबिधी संचालन भैरहेको छ । सोही क्रममा नुवाकोट जेसिसले बिभिन्न स्थानमा प्रचार प्रसारका पोष्टर टाँसेर तथा पर्चा बाड्ने कामको थालनी गरेको छ ।

नुवाकोट जेसिसको आयोजनामा जिल्लाको मुख्य बजार क्षेत्र देवीघाट, पिपलटार, गंगटे, बट्टारबजार, विदुर, ढु्ङ्गे, त्रिशूली, कोलनी बिभिन्न स्थानमा सुचना प्रदान गर्ने ब्यनर लगाइएको नुवाकोट जेसिसका अध्यक्ष श्रीकृण आचार्यले जानकारी दिनु भयो ।

कोरोनाको त्रास नियत्रन्ण हुने तथा सरसफाइले रोग नियन्त्रण गर्न मद्धत पुग्ने हुदा बच्ने उपायका बारेमा आफुहरुले जानकारीका लागी ब्यानर टागेको अध्यक्ष आचार्यले बताउनु भयो ।