त्रिशुली नदी तर्ने क्रममा एक बालकको नदीमा डुबेर मृत्यु

नेपाल विद्युत प्राधिकरणको बाँधमा त्रिशुली नदी तर्ने क्रममा एक बालकको नदीमा डुबेर मृत्यु भएको छ ।
मृत्य हुनेमा विदुर नगरपालिका–७ का १४ बर्षीय शङ्कर तामाङ रहेको प्रहरीले जनाएको छ ।
शङ्कर र अन्य दुई साथी भ्रमणमा निस्किएका थिए । काफ्लेका अनुसार घटना विदुर –१० स्थित तिरतिरे भीर नजिकै भैंसेमा नेपाल विद्युत प्राधिकरणको बाँधमा भएको हो ।

नहरमा फड्किएर जान लाग्दा तामाङ खोलामा परेको प्रहरी प्रमुख काफ्लेले जानकारी दिनुभयो । उत्तरगया माविमा कक्षा ८ मा अध्ययनरत तामाङको शव नेपाली सेनाको नुवाकोट स्थित जबरजङ्ग गणबाट खटिएको उद्धार टोलीले करीब सात घण्टामा फेला पारेको प्रहरीको भनाइ छ ।

मृतकको परिवारले प्राधिकरणले नहर तारबार नगरी लापरवाहीले छाडेकाले घटना भएको भन्दै क्षतिपूर्तिको माग गरेको छन् ।