नुवाकोटका दुई कराँते खेलाडीले जिते बंगलादेशमा स्वर्ण पदक

बंगलादेशको राजधानी ढाकामा जारी बेष्टर्न सेकेण्ड ईन्टरनेशनल कराँते च्याम्पियनसिपमा नुवाकोटका दुईजना खेलाडीले स्वर्ण पदक प्राप्त गरेका छन् । शनिवार राती भएको कुमुलेको ३५ केजी तर्फको प्रतिष्प्रर्धामा बंगलादेशी प्रतिष्प्रर्धीलाई हराउँदै रोहिणी पंडित र ५५ केजीको तर्फको प्रतिष्प्रर्धामा पनि बंगलादेशी प्रतिष्प्रर्धीलाई नै हराउदै योजुक थिङले स्वर्ण पदक प्राप्त गरेको नुवाकोट सितेरियो कराँते संघका प्रमुख प्रशिक्षक उत्तम राईले जानकारी दिनु भयो । रोहिणी विदुर नगरपालिका वडा नम्वर २ विदुर र योजुक बेलकोटगढी नगरपालिका वडा नं ७ रातमाटेका बासिन्दा हुन् । उहाँहरुको यो सफलताका लागी हामी मिक्स एफ् एम् परिवार र जालापा न्यूज डटकम परिवार हार्दिक बधाई ज्ञापन गर्दर्छौ ।