११ आश्विन २०७९, मंगलबार
Logo
final gp koirala advert

सोनाम ल्होछारमा सार्वजनिक विदा

शिवपुरी, नुवाकोट / शिवपुरी गाउँपालिकाले सोनाम ल्होछारको दिन सार्वजनिक विदा दिने निर्णय गरेको छ । तामाङ समुदायको बाहुल्यता रहेको हुनाले ल्होछारमा सार्वजनिक विदा दिएको गाउँपालिकाको पत्रमा उल्लेख छ ।

तामाङ समुदायले यहि माघ २२ गते सोमबार परेको २८५५ औं सोनाम ल्होछार सुङ्गुर (फाग/ड्वा ल्हो) वर्ग अन्तर्गतको नयाँ वर्षका उपलक्ष्यमा हर्ष अनि शुभकामना साटासाट गर्न शिवपुरी गाउँपालिकाको आठै वडाका तामाङ समुदाय एकै स्थानमा भेला भई ल्होछार मनाउन लागिएको शिवपुरी गाउँपालिका-६ का वडाध्यक्ष लालबहादुर तामाङले जानकारी दिनुभयो । ल्होछारलाई कार्यक्रम व्यवस्थापन गर्न वडाध्यक्ष तामाङकै अध्यक्षतामा ५१ सदस्यीय ल्होछार व्यवस्थापन मुल आयोजक कमिटि गठन गरिएको छ।

Shivapuri rural municipality awareness message jalapanews

कार्यक्रममा तामाङ संस्कृति, पहिचान, बाजा, झाँकी प्रदर्शन, म्हेन्दोमाया कलाकारहरु र राष्ट्रिय तथा स्थानीय ख्याति प्राप्त कलाकारको बेजोड सांगीतिक प्रस्तुति रहने आयोजकले जनाएको छ ।

विदुर नगरपालिका-९ कोलनी थ्रीडी खेल मैदानमा पनि सोनाम ल्होछारकै अवसरमा बृहत सोनाम ल्होछार कार्यक्रम हुने भएको छ । म्यागङ गाउँपालिकामा यहि माघ २३ र २४ गते दुई दिन बृहत सोनाम ल्होछार कार्यक्रम हुने भएको छ ।

logo sonam lohsar

ल्होछार अर्थात ‘ल्हो’ भन्नाले साल अथवा सम्वत् अनि ‘छार’ भन्नाले नयाँ भन्ने बुझाउँछ । सोनाम ल्होछार तामाङहरूले नयाँ वर्षको आरम्भको रूपमा मनाउने पर्व हो । प्रत्येक वर्ष माघ महिनाको शुक्ल पक्षमा पर्ने प्रतिपदा तिथीको दिन मनाइने सोनाम ल्होछार र चिनिया नयाँ बर्ष एकै दिन मनाइन्छ ।

तामाङहरुलाई प्रकृतिप्रेमी समूदायकारुपमा चिनिन्छ, विशेषगरी नेपालमा तामाङ जातिले सोनाम ल्होछारका अवसरमा कूलपूजा र प्रकृतिको पूजा गर्ने गर्दछन् । यस समूदायमा आज छोरीचेलीलाई बोलाएर टिका लगाइदिने गरिन्छ । विक्रम सम्वत् २०६४ साल यता सोनाम ल्होछारलाई राष्ट्रिय पर्वस्वरुप नेपाल सरकारले सार्वजनिक विदा दिंदै आएको छ । सोनाम ल्होछार राष्ट्रिय पर्व भएका कारण राष्ट्र प्रमुखदेखि अन्य विशिष्ट ओहोदाका व्यक्तिहरुले समेत शुभकामना सन्देश दिने चलन छ । ल्होछार मनाउने समूदायमा ‘ल्हो’ अर्थात् वर्षहरु बाह्रवटा हुन्छन् । ती वर्षका नामहरुलाई मुसा, गाई, बाघ, बिरालो, गरुड, सर्प, घोडा, भेंडा, बाँदर, चरा, कुकुर र सुँगुर जस्ता पशुपन्छी र जीवजन्तुका नामबाट राखिएको पाइन्छ, मुसाबाट शुरु हुने यि वर्षहरु जङ्गली बँदेल वर्षमा पुगेर सकिन्छ । बाह्र वर्गका वर्षहरुलाई बाह्र राशीका रूपमा पनि लिने गरिन्छ ।

नेपालमा ल्होछार मनाउने प्रचलन चीन तथा चीन प्रशासित राज्यबाट भित्रिएको मानिन्छ, किनभने चिनियाँ पात्रोमा पनि नयाँ वर्षलाई बिभिन्न पशुपन्छीका नामले सम्बोधन गरिन्छ । त्यसो त तामाङ समूदायले चिनीयाँ पात्रोभन्दा बेग्लै अनि मौलिक आफ्नै पात्रोको प्रयोग गर्ने गर्दछन् जसलाई ‘चन्द्र पात्रो’ भनिन्छ । बौद्ध धर्म अनुसार तामाङ जाती महायान सम्प्रदायका हुन् । तामाङहरुका अलवा ल्होछार पर्व शेर्पा, गुरुङ, मगर, थकाली, जिरेल, नेस्याङ्वा, भोटे, दुरा र लेप्चा लगायतका जातीले मनाउँदछन् ।


प्रतिक्रिया दिनुहोस्