शिवपुरीमा जनतासंग माओवादी बिशेष रुपान्तरण अभियानको पहिलो चरण सम्पन्न, दोश्रो चरण सुरु

नेपाल कम्युनिस्ट पार्टी (माओवादी केन्द्र) शिवपुरी गाउँ कमिटी जनतासंग माओवादी बिशेष रुपान्तरण अभियानको पहिलो चरण सम्पन्न गरेर दोश्रो चरणको अभियान सफल बनाउन जुटेको छ ।

भदौ १६ गते गाउँपालिकाको सबै ८ वटै वडाबाट सुरु गरिएको अभियान सार्वजनिक स्थानहरुको सरसफाइमा केन्द्रीत भएको थियो ।
अभियानको पहिलो चरणमा वडा पार्टी कार्यालयको उद्घाटन, वडा कमिटीहरुको बैठक बसेर आन्तरिक पार्टीको छ्लफल, पार्टी कमिटी भित्रको आन्तरिक समस्याको खोजि गरिएको थियो ।

हाल पहिलो चरणको समिक्षा सहित दोश्रो चरणको कार्यक्रम तय गरिएको छ ।
समिक्षा बैठकमा नेकपा (माओवादी केन्द्र) केन्द्रिय नेता एवम् सांसद हित बहादुर तामाङ, , राधिका तामाङ, केन्द्रिय सदस्य एवम शिबपुरी अभियान संयोजक तेज बहादुर मिजार, बागमती प्रदेस कमिटी सदस्य राजन गौतम, रत्न बहादुर सुनार सहितको उपस्थितिमा समिक्षा बैठक सम्पन्न भएको हो ।

जनता संग माओवादी बिशेष रुपान्तरण अभियानको पहिलो चरण उत्साहजनक रुपमा सम्पन्न भएको समिक्षा गरिएको छ ।
जनतासंग माओवादी बिशेष रुपान्तरण अभियानको दोश्रो चरणमा जनबर्गिय संगठनहरुको भेला तथा प्रशिक्षण गरिने, वडा कमिटीहरुको गठन, पुनर्गठन गर्ने, पार्टी सदस्य नबिकरण तथा नयाँ बितरण गर्ने निर्णय गरेको छ ।

अभियानमा सहभागि हुने र नहुने नेता कार्यकर्ताको सुचि बनाइ अभियानमा सहभागि नहुनेलाइ सचेत गर्ने निर्णय गरेको छ साथै सामाजिक अभियानका लागि वडा पार्टी कमिटीले आफ्नै सिर्जनसिलतामा कार्यक्रम बनाउने समिक्षा बैठकले निर्णय गरेको शिबपुरी ७ का वडा कमिटी अध्यक्ष श्याम पाण्डेले बताउनु भयो ।