नेपालमा आज एकै दिन १ सय १४ जनामा कोरोना भाइरस पुष्टि

काठमाण्डौ – नेपालमा आज एकै दिन १ सय १४ जनामा कोरोना भाइरस पुष्टि भएको छ ।

योसँगै नेपालमा कुल सङ्क्रमितको सङ्ख्या ८ सय ८६ पुगेका छ । स्वास्थ्य तथा जनसङ्ख्या मन्त्रालयका अनुसार धरानको बीपी कोइराला स्वास्थ्य विज्ञान प्रतिष्ठनमामा गरिएको परीक्षणमा ११ जना सङ्क्रमित भेटिएका छन् ।

जसमध्य ८ जना सप्तरीको बोदेबसाईन नगरपालिकाका छन् । सप्तरीकै बालनविहुलका २ जना र सप्तरीकै सुरुङाका एक पुरुष छन् । यस्तै कोसी अस्पतलामा गरिएको परीक्षणमा १७ जना सङ्क्रमित भेटिएका छन् ।

जसमा झापाको गौरादहका २ जना, झापाकै कचनकवलका १५ जना रहेका छन् । यस्तै  हेटौडाको किटजन्य प्रयोगशाला केन्द्रमा भएको परीक्षणमा ८ जना सङ्क्रमित भेटिएका छन् ।

जस्मा हेटौडा उपमहानगरपालिकाका १ जना, रौतहतको गढिमाइ नगरपालिकाका ७ जना रहेका छन् । पोखराको प्रादेशिक प्रयोगशालामा भएको परीक्षणमा वाग्लुङको तमानखोलाका ४ जना र वडिगाडका २ जनामा सङ्क्रमण देखिएको छ । यस्तै दाङको राप्ती स्वास्थ्य विज्ञान प्रतिष्ठानमा भएको परीक्षणमा १८ जनाको रिपोर्ट पोजेटिभ आएको छ ।

उनीहरुमध्य रुकुमपूर्व पुथा उत्तरगंगा गाउँपालिकाका ३ जना, दाङको घोराहीका ७ जना र दाङकै लमहीका ८ जना  रहेका छन् । यस्तै  भेरी अस्पतालमा गरिएको परिक्षमा थप १६ जना भेटिएका छन् ।  

जसमध्ये बाँके डडुवाका २, राप्ती सोनारीका ७ जना, बाँकेकै बैजनाथका ६ जना  र खजुरा गाउँपालिका १ जना रहेका छन् । यस्तै राष्ट्रियजनस्वास्थ्य  प्रयोगशाला काठमाण्डौँमा  भएको परीक्षणमा ३८ जना सङ्क्रमित भेटिएका छन् ।

जसमध्ये  सिरहा सिद्धिचरणका १ जना, सिरहाको रुपनी घर भइ सप्तरीमा रहेका १ जना, बारा पर्चौता नगरपालिकाका ७ जना, रौतहट घर भइ बाराको पर्चौतामा बस्ने एक जना,  रौतहट गौरका ८ जना,  रौतहटकै देवाहीगुनाही नगरपालिकाका २ जना र रौतहटकै कटहरिया नगरपालिकाका २ जना, रौतहटकै श्री जनता मावीमा भएको परीक्षणमा १४ जना र मदरसामा भएको परीक्षणमा २ जनामा सङ्क्रमण देखिएको छ । 

यस्तै १ सय ८३ जना डिस्चार्ज भएका छन् । आज मात्रै थप २८ जना डिस्चार्ज भएका मन्त्रालयले जनाएको छ । जसमध्य नारायणी अस्पतालबाट २१ जना जस्मा डेढदेखि ६२ वर्षसम्मका नागरिक छन् कोसी अस्पतालबाट उदयपुरका ४ जना र  शुसिल कोइराला प्रखर अस्पतालबाट ३ जना डिस्चार्ज भएका छन् ।उज्यालोबाट