स्व.नेता पोष्ट बहादुर बोगटीको शालिक २७ गते प्रचण्ड द्धारा अनावरण हुदै

स्व.नेता पोष्ट बहादुर बोगटीको शालिक २७ गते प्रचण्ड द्धारा अनावरण गरिने भएको छ ।

नेपाल कम्युनिष्ट पार्टी ( नेकपा) का अध्यक्ष पुष्पकमल दाहाल (क. प्रचण्ड)ले तथा नेपाल सरकारका उर्जा तथा सिचाई मन्त्री बर्ष मान पुन द्धारा सो शालिक अनावरण गर्न लागिएको हो । दिबंगत नेता पोष्ट बहादुर बोगटी –क दिवाकरको शालिक अनावरण र चण्डेश्वरी उच्च मा.बि.को बार्षीक उत्सव कार्यक्रम माघ २७ गते हुने भए पछि दुबै कार्यक्रम एकै दिन हुने भएको हो ।

१५ लाख लागतमा निर्मीत शालिक सगै चौतारा पनि निर्माण गरिएको छ । बिभिन्न संघ संस्था, बिदुर नगरपालीका, वडा कार्यलय , स्थानिय युवा क्लबहरु लगाएतको आर्थिक सहयोगमा २ महिनामा नै सो शालिक निर्माण भएको निर्माण कमिटीक अध्यक्ष कल्पना रिमालले जानकारी दिनु भयो ।
उच्च छवि,सरल ब्यक्तीत्व, दुरदर्शी बिचार, कुशल राजनितीज्ञ, समाज सेवी स्वर्गिय नेता पोष्ट बहादुर बोगटीको शालिक स्थापना गरिएको चोकलाई “पोष्ट बहादुर चोक” नामा करण गरिने यस अघि नै आयोजकले जनाएको थियो । सो कुरा चण्डेश्वरी माबिले पत्रकार सम्मेलन मार्फत जानकारी गराएको हो।