४ कार्तिक २०७८, बिहीबार
Logo
Hotel Yangra Nuwakot Trishuli

प्रतिवेदन भन्छ : आयल निगमले धेरै नाफा खाँदा हवाइ भाडा महँगो भयो

संस्कृति, पर्यटन तथा नागरिक उडड्यन मन्त्रालयले हवाइ भाडा समायोजन सम्बन्धमा गठन गरेको कार्यदलले नेपाल आयल निगमले हवाइ इन्धनमा अत्याधिक नाफा लिइरहेको निष्कर्ष निकालेको छ ।

नेपाल भ्रमण वर्ष मनाउने क्रममा स्वदेशी र विदेशी हवाइ यात्रुबीच समान भाडा कायम गर्ने, अन्तर्राष्ट्रिय वायुसेवा कम्पनीलाई सुविधा दिने, इन्धनको मूल्य घटाउने र अन्तर प्रदेश हवाइ उडान सुरु गर्ने सम्बन्धमा बनेको कार्यदलले नेपालमा हवाइ भाडा महँगो हुनुको मुख्य कारण महँगो हवाइ इन्धन नै भएको बताएको छ । 

pratik books stationery
trishuli web design in nuwakot

भारतीय आयल कर्पोरेशनबाट किनेको मूल्यमा नेपाल आयल निगमले अधिक नाफा खाएर हवाइ कम्पनीलाई इन्धन बेचेको कार्यदलको प्रतिवेदनमा उल्लेख छ । नेपाल आयल निगमले इन्धनको मूल्य घटाएमा हवाइ भाडा पनि घट्न सक्ने प्रतिवेदनमा जनाइएको छ ।

हवाइ इन्धनकै कारण नेपालको पर्यटन क्षेत्रमा नकारात्मक असर परिरहेको आरोपबाट मुक्त हुन पनि हवाइ इन्धनको भाडा घटाउनुपर्ने देखिएको प्रतिवेदको सुभाव छ  ।

प्रतिवेदनका अनुसार निगमले हवाइ इन्धनमा प्रतिलिटर ४२ रुपैयाँ नाफा राख्दै आएको छ । स्वचालित मूल्य प्रणालीबाट मूल्य निर्धारण गर्न पनि कार्यदलले सुझाव दिएको छ । यस्तै अध्ययन गर्दाको बखत आयल निगमले उपभोक्तालाई सस्तो मूल्यमा इन्धन दिने नाममा १५ दिनमा ११ करोड रुपैयाँ घाटा खाएको तर हवाइ इन्धनबाट भने ३ करोड नाफा कमाइरहेको कार्यदलको ठहर छ ।

कार्यदलले ग्याँसमा उपभोक्तालाई दिएको सहुलियत काटेर इन्धनको नाफा घटाउन पनि सुझाव दिएको छ ।उज्यालोबाट

प्रतिक्रिया दिनुहोस्