२ जेष्ठ २०७९, सोमबार
Logo
final gp koirala advert

कागको पूजा गरी मनाइयो काग तिहार

हिन्दु धर्मावलम्बीहरुको दोश्रो ठूलो चाड तिहार अर्थात यमपञ्चकको पहिलो दिन शनिबार कागको पूजा गरी काग तिहार मनाइएको छ । 

कात्तिक कृष्ण त्रयोदशीदेखि कात्तिक शुल्क द्धितिया तिथिसम्म मनाइने तिहारमा अन्तर्गत पहिलो दिन कागको पूजा गर्ने गरिन्छ । आजको दिन कागलाई यमराजको सन्देश वाहकका रुपमा सम्मानका साथ पूजा गर्ने र कानेकुरा दिने गरिन्छ । आजको दिन कागलाई पूजा गरेर खान नदिए पाप लाग्ने धार्मिक मान्यता रहेको छ । त्यसैले आजको दिन आफ्नो घरको आँगनमा पात, दुना वा टपरीमा कागका लागि भनी खाद्यान्नका परिकार राखेर वर्षभरि कागले घरआँगनमा सुखद खबर ल्याओस् भन्ने कामना गर्ने गरिन्छ ।

Shivapuri rural municipality awareness message jalapanews

कागलाई सन्देश वाहक प्राणीको रुपमा लिइने भएकाले काग कराउँदा पाहुना आउने, अथवा शुभ, अशुभका मान्यताहरु रही आएको पाइन्छ । 

पृथ्वीलोकमा भएका मानिसहरुको जन्म मृत्युको विवरण ल्याउनका लागि यमराजले कागलाई आफ्नो दूत बनाएको किम्बदन्ती रहीआएको छ । कागलाई बाठो पंक्षीको रुपमा लिने गरिन्छ । यसले बालिनालीलाई नोक्सानी पुर्याउने किरा फट्याङग्राहरुलाई खाईदिएर अन्न उत्पादन र मांशजन्य फोहरहरु खाएर सरसफाईमा पनि सहयोग पुर्याइरहेको पाइन्छ

प्रतिक्रिया दिनुहोस्