दोस्रो नुवाकोट गोल्डकप फुटवल प्रतियोगितामा नुवाकोट ११ को विजय सुरु

विदुर, दोस्रो नुवाकोट गोल्डकप फुटवल प्रतियोगितामा घरेलु टोली नुवाकोट ११ ले विजयको शुरुवात गरेको छ ।

नुवाकोटको सदरमुकाम विदुर ४ बट्टारमा रहेको नुवाकोट आर्दश बहुमुखी क्याम्पसको खेलमैदानमा बुधवार देखि भएको खेलमा घरेलु टोली नुवाकोट ११ ले काठमाणडौको दिपशिखा युवा समुहललाई शुन्यका विरुद्द ५ गोलले पराजित गरेको छ ।
खेलमा नुवाकोट ११ को लागि विश्वास श्रेष्ठले ह्याट्रिक गरेका हुन् ।

त्यस्तै नुवाकोट ११ को पदनेश राजवंशीले गोल गर्दै नुवाकोटलाई शुन्यका विरुद्ध ५ गोलको जित दिलाएका हुन् । खेलमा तीन गोल गरेका नुवाकोट ११ का विश्वास श्रेष्ठ म्यान अफ दि म्याच घोषित भए । उनलाई नगद १० हजार रुपैयाँ प्रदान गरिएको छ ।
जिल्ला खेलकुद विकास समिति नुवाकोट र नुवाकोट फुटवल संघको आयोजनामा भएको प्रतियोगितामा नुवाकोट ११, विभागिय टोलीहरु नेपाल पुलिस,शसस्त्र प्रहरी बल र नेपाली आर्मी क्लबले सहभागि भएका छन ।
ए डिभिजनका क्लबहरु मनाङ, संकटा, च्यासल युथ क्लबल, चितवन ११, विजय युथ हेटौडा र काठमाणडौको दिपशिखा युवा समुहसहित १० टोलीले सहभागि हुने भएका छन । प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्ने आयोजकले बताएको छ । प्रतियोगिता आगामी जेठ ३१ गतेसम्म सन्चालन हुने छ ।