विदुर १२ मा खानेपानी योजना निमाण सम्पन्न, १७ घरमा पानीका धारा

विदुर, सरोकारवाला पक्षले नुवाकोटलाई सम्वृद्ध बनाउने घोषणा गरे पनि नुवाकोटका शहरि तथा ग्रामीण क्षेत्रमा विकासका पूर्वाधारको अवस्था पहिलेको जस्तै छ । सरोकारवालाका सम्बृद्ध नुवाकोटको भनाईलाई, नुवाकोटको खानेपानीको अभावले गिज्याइरहेको छ । गर्मी बढे सगै पानीको अभाव नुवाकोटका प्राय भेगमा बढेको छ । विदुर नगरपालिका वडा नं १२ त झन् खानेपानीको समस्या बढ्दोे छ । वडा नं १२ का चैनपुर, चारघरे, मुलावारी जस्ता समुदायमा पानीको हाकाहार बढेको छ । पानीको स्रोत कतै नभएकाले पनि स्थानीयलाई खानेपानी वितरण गर्न नसकिएको नगरपालिकाले बताएको छ । तर वडा न ं १२ कै बाझो बारी देखि कोइराला गाउ सम्म खानेपानी योजना निमार्ण गरिएको छ । सो योजनाबाट १७ घरधुरी प्रभावित भएका छन् ।

सुर्योदय युवा क्लवको आयोजना र युनिसेफको आर्थिक सहयोगमा सो खानेपानी योजना ल्याइएको कोइराला गाउँ उपभोक्ता समितिका अध्यक्ष विनोद कोइरालाले बताउनु भयो । सो खानेपानीको लागत ५ लाख का साथै, दुइ लाख २० हजार वरावरको श्रम दान गरि कुल लागत सात लाख वीस हजार बराबरमा खानेपानी योजना निमार्ण भएको अध्यक्ष कोइरालाले जानकारी दिनु भयो । अहिले घरघरमा मिटर स्टिमबाट धारो पनी राखीएको छ ।यो कोइराला गाउ उपभोक्ता समितिले गरेको उदाहरणिय कामले जनप्रतिनिधिका सम्बृद्ध नुवाकोटका भनाइलाई कुरि कुरि गरेको छ ।