४ कार्तिक २०७८, बिहीबार
Logo
Hotel Yangra Nuwakot Trishuli

विदुर मेयरकप फुटबल प्रतियोगिता, बुढानिलकण्डद्धारा व्यास २–० गोलले पराजित

विदुर,नुवाकोटमा विदुर नगरमेयरकप राष्ट्रिय आमन्त्रण अन्तर नगरपालिका मेयरकप फुटबल प्रतियोगिता बुधबार देखि सुरु भएको छ । नुवाकोटको सदरमुकाम विदुर नगरपालिका वडा नं ४ नुवाकोट आर्दश बहुमुखी क्याम्पसको खेल मैदानमा विदुर नगरमेयरकप राष्ट्रिय आमन्त्रण अन्तर नगरपालिका मेयरकप फुटबल प्रतियोगिता सञ्चालन भईरहेको छ ।
विदुर नगरपालिकाको आयोजना तथा जिल्ला फुटबल सङ्घ, जिल्ला खेलकुद विकास समिति नुवाकोटको प्राविधिक सहयोगमा सञ्चालन हुने प्रतियोगितामा देशभरिका ८ टिम सहभागी छन् । प्रतियोगिता सुरु भएको तेस्रो दिनको खेलमा व्यास नगरपालिका तनहुलाई बुढानिलकण्ड नगरपालिका काठमाण्डौले २–० गोलले पराजित गरेको छ । प्रतियोगितामा बुढानिलकण्ड नगरपालिका काठमाण्डौ टिमका जर्सी नं ८ का दिपेस श्रेष्ठले १ गोल र सो टिमका जर्सी नं १२ का उर्गेन शेर्पाले १ गोल गरेको हुन् । जर्सी नं ८ का दिपेस श्रेष्ठ प्रतियोगिताको म्यान अफ द म्याच घोषित भएका हुन् ।
शनिवार हुने खेलमा भने भरतपुर महानगरपालिका चितवन र पोखरा महानगरपालिका कास्की विहान सात तीस बजे भिड्ने आयोजकले बताएको छ । भने सेमिफाइनल खेलमा भने विदुर नगरपालिका नुवाकोट र मेलम्ची नगरपालिका सिन्धुपाल्चोक दियसो ती तीस बजे भिड्ने भएका छन् ।

प्रतिक्रिया दिनुहोस्