नु.उ.वा.सं.मा नवनिवार्चित लोकतान्त्रिक टिमले गर्याे शपथ ग्रहण

नुवाकोट,नुवाकोट उद्योग वाणिज्य संघमा नवनिर्वाचित तथा विजयी प्यानलका पदाधिकारीहरुले मंगलबार नुवाकोट उद्योग वाणिज्य संघको भवनमा शपथ ग्रहण गरेका छन् । उद्योग वाणिज्य संघका केन्द्रिय सदस्य राजन श्रेष्ठद्धारा निर्वाचित अध्यक्ष ताराबहादुर कार्कीलाई शपथ ग्रहण गराइएको छ । त्यसै गरि उद्योग वाणिज्य संघका केन्द्रिय सदस्य राजन श्रेष्ठ र निर्वाचित अध्यक्ष तारा बहादुर कार्कीद्धारा अन्य पदाधिकारी तथा निवार्चित सदस्यहरुलाई शपथ ग्रहण गराइएको छ ।

कार्की प्यानलै विजयी भएपछि सोमबार र मंगलबार नुवाकोटको सदरमुकाम देखि ग्रामिण भेग सम्म विजयी टिमलले र्याली निकालेको छ । सोमबार विदुर चोकबाट बट्टार चोकसम्म बाजा सहित र्याली निकालिएको थिायो । मंगलबार नुवाकोट उद्योग वाणिज्य संघबाट नेपाली काङ्ग्रेस पार्टी कार्यालय नुवाकोट हुदै विदुरको लोकतान्त्रिक चौताराबाट देविघाट चोक र जिल्ला भरि नै बाजा सहित विजयी र्याली निकालिएको थियो ।